बुधवार, 2 सितंबर 2015

भादवै री बडी तीज

एक दिन पैली ही धमोळी ।
बडी तीज रो बरत करण आळी
लुगायां इण रात भेळी बैठ
मनभावणा पकवाना, मिठायां
अर फळ अरोगै ।
*
आज है भादवै री बडी तीज !
इण नै सातूडी़ तीज भी कैवै ।
आखै दिन निराहार रैय
लुगायां रात रा चांद रा दरसण
कर परी नीमडी़ आगै बैठ'र
तीज माता री कथा सुणै अर
पछै आकडै़ रै पत्तां माथै राख'र
गोडै रै नीचकर दई रो फिद्दर ,
सातू अर फळ अरोगै !

कोई टिप्पणी नहीं:

एक टिप्पणी भेजें